Loading

O folk galego na encrucillada

Preguntámonos cal é a situación actual do folk galego. Para dar resposta contamos coa programadora Aitana Cuétara e do director do festival de Ortigueira Alberto Balboa. A visión exterior proporcionaa José Miguel López, director de Discópolis. Completamos o panorama cunha escolma de novos artistas.

Máis aló do muro

O novo cartel galego agroma nas redes sociais pero mantén o seu oco nas rúas. Falamos con creadores para que nos dean a súa visión, as chaves do actual momento, os pros e os contras dos avances tecnolóxicos e a súa previsión de evolución do formato nos próximos anos.

Cinco bandas galegas no Osa do Mar

Chega unha nova edición do Osa do Mar. O festival de Burela promete público da man de Carolina Durante e fantásticos temas e bos concertos con Kokoshca e La Plata. Este ano apostaron decididamente polas bandas galegas, como sempre debe ser nun evento que recibe aportacións públicas. Nós quixemos facer a nosa particular selección.

12+1 murais do DesOrdes Creativas

O DesOrdes Creativas, o festival internacional de arte na rúa que converte a Ordes nun enorme espazo de rexeneración urbana e diálogo social, chega á súa duodécima edición. Este ano, os convidados ao festival internacional de arte na rúa son Daniel Muñoz, Alegría del Prado, Twee Muizen, Artez e Leandro Barea. Nós falamos cos organizadores e pedímoslles que escolleran os mellores murais da historia do evento.

Xullo, mes dos festivais de música

Chegou o mes de xullo e con el comeza a explosión (pouco controlada) de festivais nas catro provincias do país. Contabilizamos máis de 40 eventos nas próximas catro fins de semana. Comezando co Resurrection e o PortAmérica nos próximos días. Corenta festivais e moi poucas sorpresas. Escasas propostas que conviden á emoción. Estoupará a burbulla?

ascension

Festas da Ascensión 2019

Chegan a Santiago as festas da Ascensión 2019, que inclúen oito interesantes concertos, catro na Quintana e catro no Toural, no que destaca por riba de todos o espectáculo Lorca Namorado, que reunirá a Salvador Sobral, Davide Salvado, Kiki Morente, Arcángel ou Susana Seivane baixo a dirección de Abe Rábade.

Bob Dylan

Lembramos as visitas de Bob Dylan a Galicia

Bob Dylan visita este luns 29 de abril Galicia por quinta vez, dende que estivera en A Coruña en 1993. Despois actuaría en Santiago en 1999 e 2004, e Vigo en 2008. Lembramos esas visitas a través das crónicas da prensa escrita da época. Xa vos avanzamos que ao artista non lle choveron precisamente os eloxios…

Seoane, o supremo artesán

Escritor, editor, muralista, deseñador, debuxante, gravador, pintor… a socorrida expresión de “home do renacemento” ten en Luis Seoane un exemplo soberbio. Alguén dixo unha vez e, sen dúbida, dixo ben, que a súa arte é para el como o seu diario. Figura única e irrepetible á que en 2019 se lle dedicou o Día das Artes Galegas.

Alguén que Respira!

Alguén que Respira!

Coincidindo co vixésimo aniversario do Día Mundial da Poesía o xoves 21 de marzo, o concello de Santiago pon en marcha a segunda edición de Alguén que Respira!, festival de poesía de Compostela, que contará con algunhas das voces poéticas máis importantes de Galicia, Iberoamérica e a lusofonía, como Raúl Zurita, Méndez Ferrín, Elisa Lucinda, Golgona Anghel, Elena Medel, Pilar Pallarés, unha exhibición de bertsolaris, un torneo de slam, rap e hip hop, oito estreas absolutas… Un conxunto de ingredientes que, aínda só con dúas edicións, fan imprescindible este festival.

8M 2018

Catro décadas de feminismo en Galicia

Dos inicios do movemento feminista no ano 1975 até o espertar do últimos 8-M. Da teoría á acción. Falamos con María Xosé Queizán, Margarita Ledo Andión, Goretti Sanmartín Rei e Rosalía Fernández Rial nas vésperas da segunda folga feminista en Galicia.

Un repaso aos galegos nos Goya

O sábado un bo número de artistas galegos loitarán por levarse un Goya. As seis nominacións de A sombra da lei, de Dani de la Torre; Luís Zahera; Javier Gutiérrez; a Matria de Álvaro Gago; Desenterrando Sad Hill, de Guillermo de Oliveira; Soy una tumba e Memorias de un hombre en pijama aglutinan a representación galega.

MELLOR DO ANO CINE E TEATRO

O mellor de 2018 en Galicia: Cine e Teatro

Eliximos o mellor do ano 2018 no cine e o teatro. Dhogs, de Andrés Goteira; e Garage, de Voadora, son para nós as mellores producións dun ano especialmente brillante no apartado fílmico, grazas a traballos como Matria ou Trinta Lumes.

OUFF 2018

A edición máis convulsa do OUFF abandona o habitual mes de outubro para celebrarse entre o 29 de novembro e o 5 de decembro. En só sete semanas os organizadores teñen sido quen de poñer en marcha un festival moi digno no que destacan tres cintas dirixidas por mulleres: Mug, da polaca Malgorzata Szumowska; The Miseducation of Cameron Post, da estadounidense Desiree Akhavan; e Capharnäum, da libanesa Nadine Labaki.

Cineuropa 32

Cineuropa 2018 en Santiago

A 32 edición de Cineuropa levantará o telón o próximo mércores 7 de novembro coa proxección de La Noche de 12 Años, do uruguaio Álvaro Brechner, con Antonio de la Torre como Pepe Mujica. Case 300 filmes pasarán por Compostela durante 21 días, con estreas de cineastas como Sorrentino, Von Trier ou Isaki Lacuesta. Este último, xunto a Ángela Molina e Morris, levantará o premio Cineuropa 2018.

Galician Bizarre

Galician Bizarre, nas marxes da música

Hai unha década que naceu un proxecto, o Galician Bizarre, que reuniu por primeira vez a grupos da chamada escena underground galega. Naquel primeiro recompilatorio estaban Terbutalina, Srasrsra ou Novedades Carminha. Moitos concertos despois chega o terceiro disco, pois o underground galego non fixo máis que medrar.

Curtocircuito cumpre 15 anos

O festival Curtocircuito regresa a Santiago na súa décimo quinta edición, na que volverá traer a recoñecidos e arriscados nomes da escea internacional e incidirá na súa ambición por explorar novos límites e derrubar barreiras, facendo da súa unha cita interdisciplinar e vangardista.

Coque Malla e Iván Ferreiro

Semana grande en San Vicente

A oferta máis potente de concertos da semana en Galicia estará no Náutico de O Grove. Clásicos como o Leiva Vs. Ferreiro, novas voces como Alice Wonder, veteranos como Coque Malla ou rockeiros como Mi Capitán e León Benavente están convocados fronte a praia da Barrosa nun dos mellores escenarios posibles para escoitar música.

Mostra Teatro Galego Cariño

A Mostra de Cariño, con Ernesto Chao no recordo

Cariño celebra entre o 11 e o 17 de agosto a 40 edición da súa Mostra de Teatro Galego. Un evento que estará marcado polo recente pasamento de Ernesto Chao, un dos actores máis importantes da historia da escena galega. O xoves representarase A canción do elefante, a última obra na que Chao estivo traballando antes do seu falecemento.