Loading
Superpoderes

Superheroes de Aja e Rubín

LUN-SÁB | VARIAS HORAS | AFUNDACIÓN

A mostra Superpoderes. David Aja y David Rubín selecciona 350 traballos destes historietistas que reflexionan sobre a icona do superheroe no século XXI. A exposición está comisariada por Asier Mensuro, experto en banda deseñada e cinema, e estará aberta ata o 6 de xullo.

Lamazares celebra a Novoneyra

LUN-DOM | VARIAS HORAS | PROVINCIAL

O pintor de Lalín, Antón Lamazares, homenaxea ao poeta do Courel, Uxío Novoneyra, nunha mostra individual. O Museo Provincial de Lugo acolle esta exposición, titulada Flor Novoneyra. Máis de cen obras, que marcan un diálogo entre a pintura e a poesía

Dobre aniversario de Guayasamín

LUN-DOM | VARIAS HORAS | AFUNDACIÓN

A Sede Afundación de Santiago conmemora o dobre aniversario do pintor ecuatoriano Oswaldo Guayasamín cunha exposición. Por un lado, cúmprense cen anos do nacemento do artista e, doutra banda, hai vinte anos que tivo lugar o seu pasamento. Exhíbense, en total, 77 gravados.

René Heyvaert

Monográfica de René Heyvaert

MAR-DOM | 11:00-20:00 | CGAC

Interesantísima exposición sobre René Heyvaert a que nós propón o CGAC. Trátase dun creador que, partindo dos movementos de vangarda, desenvolveu unha arte experimental. A xeometría básica, a arte postal e o emprego de elementos naturais e cotiás definen o seu traballo.

Retrospectiva de Alfonso Abelenda

LUN-DOM | VARIAS HORAS | AFUNDACIÓN

Co título de Yo, Abelenda, a Sede Afundación da Coruña acolle unha mostra retrospectiva do artista herculino Alfonso Abelenda. Está comisariada por Valle García e conta con 117 pezas que amosan o carácter interdisciplinar deste creador. Inaugúrase este xoves ás 20:00

Jorge Cabezas is back!

MAR-DOM | VARIAS HORAS | F. SEOANE

O coruñés Jorge Cabezas está de volta e vén cunha nova exposición. A Fundación Luis Seoane, da cidade herculina, exhibe cincuenta e tres obras do artista. A mostra titúlase Jorge Cabezas is back! e parece facer referencia ao seu regreso logo dunha seria doenza.

Rubens e Rembrandt sobre papel

MAR-DOM | VARIAS HORAS | BARRIÉ

A Fundación Barrié, en colaboración con V&A Museum, exhibe 90 obras, que teñen o papel como soporte, de grandes mestres da pintura holandesa e flamenca da Idade de Ouro.  Entre outros artistas, exhíbense pezas de Rubens, Rembrandt, Van Dyck e Frans Snyders.

Homeless, de Ángela de la Cruz

MAR-DOM | 11:00-20:00 | CGAC

O CGAC de Santiago vén de abrir a mostra Homeless da artista coruñesa Ángela de la Cruz. É a primeira itinerancia desta exposición logo do seu paso polo Azkuna Zentroa de Bilbao. Homeless ofrece unha retrospectiva das obras feitas por De la Cruz entre 1996 e 2018.

Formas do deseño. Galicia XXI

LUN-DOM | VARIAS HORAS | A. GALICIA

O Auditorio de Galicia inaugura vén de inaugurar a mostra Formas do deseño. Galicia XXI. Está comisariada por David Barro e Mónica Maneiro. A mostra fai un repaso exhaustivo polo deseño galego dende o Sargadelos de Díaz Pardo e Seoane ata Numax.

Os vestixios de Loreto Martínez

MAR-DOM | 11:00-20:00| CGAC

O CGAC de Santiago acolle a mostra Vestiges d’un ici, vestixios de si da artista viguesa Loreto Martínez Troncoso. A mostra está comisariada por Chus Martínez Domínguez e céntrase nas indagacións sobre a temporalidade das pezas e o “espazo intervido”, que neste caso é o museo.