Loading

Primeira individual de Mery Pais

LUN-SÁB | VARIAS HORAS | IGREXA UNIV.

A artista compostelana Mery Pais debuta en solitario coa mostra individual Máis alá do estereotipo. A exposición, que acolle a Igrexa da Universidade de Santiago  inaugúrase este xoves ás 20:30 horas. Trátase dunha fonda reflexión sobre identidade e xénero.

Andrea V. Wright e a antiforma

LUN-VEN | VARIAS HORAS | NORDÉS

A Galería Nordés exhibe a mostra Nada dura/Nothing Lasts da artista británica Andrea V. Wright. Na exposición establécese un diálogo entre materiais estables e temporais. Os conceptos clave que sustentan o discurso son “estrutura, superficie e equilibrio”.

A espiral de Menchu Lamas

LUN-VEN | VARIAS HORAS | LUISA PITA

Soñando na espiral é o título da mostra individual de Menchu Lamas para a galería Luisa Pita de Santiago. Ese tipo de liña é a que constitúe o leit motiv da exposición. Unha escolma de trece obras que destaca pola cor e pola importancia das formas simbólicas.

O parque natural de Ramón Ais

LUN-SÁB | VARIAS HORAS | TRINTA

A exposición Parque Natural exhibe doce fotografías do artista José Ramón Ais na galería Trinta. As imaxes amosan “diferentes vistas dun parque natural ficticio”, segundo o artista. A súa forma de construir as escenas responde a idealizacións dunha paisaxe estereotipada

MIIC

Ilustradores de renome na MIIC

LUN-DOM | VARIAS HORAS | AFUNDACIÓN

A sede Afundación de Santiago acolle a II Mostra Internacional de Ilustración contemporánea (MIIC), que conta con máis de 200 obras de artistas recoñecidos no panorama nacional e internacional. Destacan Christoph Niemann, María Hesse ou Lara Lars.

Camilo e Díaz Pardo

Con Galiza sempre no horizonte

LUN-SÁB | VARIAS HORAS | FONSECA

Con Galiza sempre no horizonte é o título da mostra que explica os 16 anos que Camilo Díaz Baliño e Isaac Díaz Pardo viviron en Santiago entre 1920 e 1936. A expo conta con abundante documentación da época e amplíase expoñendo a labor posterior de Isaac.

Dezanove espectáculos teatrais no Galicia Escena Pro 2018

Galicia Escena Pro, a feira das artes escénicas do noso país, celebrarase en Compostela entre o 11 e o 14 de xuño. Dezanove pezas teatrais dalgunhas das mellores compañías galegas representaranse en catro escenarios santiagueses: a Fundación SGAE, o Auditorio Abanca, o Teatro Principal e o Salón Teatro.

Melona Fest de Compostela

A terceira edición do Melona Fest terá lugar entre o 4 e o 8 de abril en diferentes salas e espazos da cidade de Santiago.  Contan cun cartel completo e variado, que está encabezado polos madrileños Esplendor Geométrico, a lisboeta Nídia e o conxunto de Quins Emilio José e Os Indígenas.